Тожикистон пойтахти Душанбе шаҳрида икки қаватли автобуслар ҳаракатлана бошлади, дея хабар бермоқда «Fotobus.ru»
Маълум қилинишича, 1 октябрдан бошлаб пойтахт кўчаларида Akia Ultra DoubleDecker икки қаватли автобуси 8-йўналишда ҳаракатлана бошлади. Биринчи босқичда у фақат эрталаб ва кечқурун тиғиз вақт пайтида ҳаракатланади.
Шу билан бирга, Душанбеда янги Akia Ultra LE8 моделини синовдан ўтказиш бошланди.
https://www.youtube.com/watch?reload=9&v=w65CyKelAVc&ab_channel=TALCOGROUP
Эслатиб ўтамиз, Тошкентда ҳам автобуслар билан боғлиқ қатор ўзгаришлар амалга оширилаётган эди. Хусусан, эски Isuzu’ларни газда ҳаракатланадиган Хитой автобусларига алмаштириш бошланганди.
Шу билан бирга, Тошкентда 2019 йилнинг 13 сентябрдан Тошкентда биринчи электробус ҳаракатланишни бошлади. Бироқ кейинчалик Тошкентда битта электробуснинг ҳаракатланиши моддий жиҳатдан ўзини оқламаслиги маълум қилинди.
Сўнгра 2020 йилнинг 7 март кунидан бошлаб Тошкентнинг 52-автобус йўналиши (Бешёғоч—Юнусобод) бўйлаб Хитойнинг Yutong электробуси синов тариқасида қатнай бошлади.
Шунингдек, пойтахтнинг Истиқлол ва Фарғона йўли кўчаси бўйлаб Амир Темур хиёбонидан Compass савдо-кўнгилочар марказига қадар йўналишда метробуслар ҳаракати йўлга қўйилиши режалаштирилган. 2020 йил 1 ноябргача ушбу йўналиш бўйлаб махсус қатнов йўлагини яратиш ва 20 та замонавий электробус харид қилиб, қувватлаш ускуналари билан таъминлаш кўзда тутилган.
Изоҳ (0)