Toshkent metropolitenining “Paxtakor” va “Xalqlar do‘stligi” bekatlari oralig‘idagi poyezdlarning tezligi cheklanganligi to‘g‘risida rasmiy izoh berildi.
“Toshkent metropoliteni” unitar korxonasining ma’lum qilishicha, hozirgi vaqtda “Paxtakor” va “Xalqlar do‘stligi” bekatlari oralig‘idagi yerusti hududida Tashkent City xalqaro biznes markazining qurilishi olib borilmoqda va ko‘p qavatli binolar barpo etilmoqda.
Qayd etilishicha, metropoliten inshootlariga qo‘shimcha bosim ta’siri ortishining oldini olish maqsadida ushbu yo‘nalish bo‘ylab metro poyezdlarining harakatlanish tezligi kamaytirilgan.
“Xalqlar do‘stligi” bekatidan “Paxtakor” bekatigacha asosiy qurilish ishlari bajarilgan va poyezdlarning loyihada belgilangan tezligi tiklangan.
“Paxtakor” bekatidan “Xalqlar do‘stligi” bekatigacha qurilish ishlari davom ettirilmoqda va shu sababli poyezdlarning harakat tezligi kamaytirilgan.
Metropoliten poyezdlarining belgilangan harakat tezligi qurilish ishlari to‘liq yakunlangandan so‘ng tiklanadi.
“Toshkent metropoliteni” UK keltirilgan vaqtinchalik noqulaylik uchun uzr so‘ragan.
Mavzuga doir:
- Toshkent yerusti halqa metrosi ostida do‘konlar va umumiy ovqatlanish punktlari paydo bo‘ladi
- “O‘zbekiston temiryo‘llari” Toshkent metrosining yangi bekatlari nogironligi bor shaxslar uchun moslashtirilmagani haqidagi tanqidlarga javob berdi
- Shavkat Mirziyoyev TTZga qadar yangi metro yo‘nalishi qurilishini ma’lum qildi
Izoh (0)