O‘zbekistonda 2020-yilning yanvar–sentabr oylari davomida iste’mol bozoridagi narxlar va tariflar o‘rtacha 6,3 foizga oshdi, deya xabar bermoqda Davlat statistika qo‘mitasi.
Yillik davrda (2019-yilning sentabriga nisbatan) tovarlar va xizmatlar narxlarining o‘rtacha o‘sish sur’ati 11,7 foizni tashkil etdi.
Tovarlar va xizmatlar narxlari 2019-yilning sentabr oyi davomida o‘rtacha 1,3 foizga ko‘tarilgan. 2019-yilning yanvar–sentabr oylarida tovarlar va xizmatlar o‘rtacha 9,7 foizga qimmatlashgan. 2018-yilning sentabriga nisbatan 2019-yilning sentabr oyida tovarlar va xizmatlar narxlari o‘rtacha 16,0 foizga oshgan.
O‘rtacha oylik iste’mol narxlari indeksi o‘sishi hisoblash natijalariga ko‘ra, 2020 yilning yanvar–sentabr oylari davomida 0,7 foizni, 2019-yilning shu davrida esa 1,0 foizni tashkil etgan.
Oziq-ovqat mahsulotlari narxi 2020-yilning sentabr oyi davomida o‘rtacha 2,2 foizga, nooziq-ovqat mahsulotlar 1,0 foizga va xizmatlar 0,5 foizga qimmatlashdi.
Ma’lumot uchun, 2019-yilning sentabr oyida oziq-ovqat mahsulotlari narxi 1,4 foizga, nooziq-ovqat mahsulotlar 0,9 foizga va xizmatlar 2,0 foizga qimmatlashgan.
Umumiy hisobda, 2020-yilning yanvar–sentabr oylari davomida oziq-ovqat mahsulotlari narxlari darajasi 7,5 foizga, nooziq-ovqat mahsulotlar 6,0 foizga, xizmatlar 4,5 foizga oshdi.
Mavzuga doir:
Izoh (0)