Ajabsandali — gruzin oshxonasiga mansub taom hisoblanadi. Baqlajon, sariyog‘da qovurilgan pomidor, ziravor va barra ko‘katlar aralashmasi qorni to‘q insonning ham ishtahasini ochishiga shubha yo‘q.
Buning uchun quyidagi mahsulotlar kerak bo‘ladi:
- kinza (koriandr) yaproqlari — 100 gr;
- baqlajon —1 kg;
- pomidor —200 gr;
- piyoz — 150 gr;
- sarimsoq — 20 gr;
- ta’bga ko‘ra rayhon;
- qizil bulg‘ori qalampiri — 150 gr;
- anor donalari — 60 gr;
- sariyog‘ — 50 gr;
- ta’bga ko‘ra tuz, murch;
- o‘simlik yog‘i — 50 gr.
- Baqlajon po‘stini artib, 5-7 mm qalinlikda somoncha shaklida to‘g‘rang.
- Tuzlang va taxiri chiqib ketishi uchun 1-2 soatga muzlatkichga qo‘ying.
- So‘ngra o‘simlik yog‘i solingan tovada qizartirib qovurib oling.
- Pomidor va piyozni kubik shaklida to‘g‘rab oling.
- O‘simlik yog‘i solingan tovada piyozni qovuring, ustidan sariyog‘ soling.
- Sarimsoq va bulg‘ori qalampirini mayda to‘g‘rab, tuz seping.
- Sariyog‘ solingan qozonga pomidor soling.
- Baqlajon, piyoz va sarimsoqli aralashmani alohida-alohida qo‘shib aralashtiring.
- 10-15 daqiqa dimlab pishiring.
- Tuz va ziravorlarni seping, yarim piyola suv soling va yana dimlab pishiring.
- Pishgan ovqatni sovuting, barra ko‘katlar, rayhon yaproqlari va anor donalarini qo‘shing.
Izoh (0)