Kuz kelishiga sanoqli kunlar qoldi. Ushbu faslda vitamin yetishmovchiligi ko‘p uchragani sabab taomnomada foydali, vitaminlarga boy va to‘yimli taomlar bo‘lishi ayni muddao.
Quyidagi mahsulotlar kerak bo‘ladi:
- Suyakli mol yoki qo‘y go‘shti — 500 gr
- Guruch — 100 gr
- No‘xat — 300 gr
- Tog‘olcha (usiz ham pishirish mumkin) —100 gr
- Kartoshka — 3 dona
- Piyoz — 3 dona
- Za’faron (usiz ham pishirish mumkin)
- Yalpiz ta’bga ko‘ra
- Murch, tuz ta’bga ko‘ra
- Bir kun avval no‘xatni ivitib qo‘ying.
- Go‘shtni suyakdan ajrating, suyaklarni qaynatib bulyon tayyorlang.
- Tayyor bulyonga no‘xat qo‘shing, past olovda qaynasin, tuz seping.
- Go‘shtni qiymalagichdan chiqaring, maydalangan piyoz, guruch, tuz va murch qo‘shib aralashtiring, sharchalar yasang.
- Sharchalarni bulyonga soling.
- Kartoshka va piyozni ham soling.
- Pishganidan keyin yuqoridagi boshqa mahsulotlar — tog‘olcha, za’faron, yalpiz solib aralashtiring va olovni o‘chirib qozon ustini yopib qo‘ying.
- Taomni suzma bilan qo‘shib yeyish tavsiya qilinadi.
Izoh (0)