Ajoyib ta’mga ega pishloqli teftel retsepti

Qiyma va pishloq uyg‘unligida takrorlanmas ta’mga ega taom retsepti bilan tanishing!

Kerakli mahsulotlar:

• Qiyma ­­− 500 gr;­
• Tuxum ­− 1 dona;
• Oq non −­ 2 bo‘lak;
• Pishloq ­− 200 gr;
• Un −­ 2 osh qoshiq;
• Tomat pastasi −­ 1 osh qoshiq;
• Piyoz ­− 1 bosh;
• Ko‘kat va ziravorlar.

1. Non suvga yoki sutga ivitiladi, so‘ng siqib olinadi. Qiyma, non, qirg‘ichdan o‘tkazilgan piyoz, tuxum, tuz va ziravorlar aralashtiriladi;
2. Pishloq 1x1 o‘lchamda kubikcha shaklida bo‘laklanadi. Qiymali aralashmadan dumaloq sharchalar hosil qilinadi, kaftga bosib o‘rtasiga pishloq bo‘lagi joylashtiriladi va yana dumaloq sharcha shakliga keltiriladi.
3. Hosil bo‘lgan teftellarni 15-20 daqiqaga 200 darajada pechga qo‘yiladi;
4. Sous uchun maydalangan piyoz qovuriladi va tomat pastasi, un, tuz va ziravorlar solinadi. 3 daqiqa davomida dimlanib, so‘ng ko‘katlar qo‘shiladi.
5. Teftellar sous bilan birga dasturxonga tortiladi.