Картошка ичида пиширилган гўштни рад этиб бўлмайди. Сабаби картошка, гўшт ва пишлоқ – ажойиб танлов! Тайёрланиши осон, мазасини эса таърифлаш қийин. Яхшиси пишириб кўриш тавсия этилади.
Керакли маҳсулотлар:
- Картошка – 800-900 гр;
- Қийма – 600 гр;
- Пиёз – 1 дона;
- Қаттиқ пишлоқ – 200 гр;
- Тухум – 2 дона;
- Ёғ;
- Туз, мурч, кўкат.
- Аввал «начинка» тайёрлаб олинади.
- Бунинг учун пиёз майда бўлакланади.
- Тилларангга киргунча ёғда қовурилади.
- Қовурилган пиёзга қийма қўшилади ва 10 дақиқа давомида пиширилади. Сўнг кўкат, туз ва мурч солиниб, аралаштирилади ва совитишга қўйилади.
- Тозаланган картошка қирғичнинг катта тешигидан ўтказилади ва қуритиш учун мато устига ёйилади.
- Пишлоқ ҳам шу тарзда қирғичдан ўтказилади.
- Картошка ва пишлоқ аралаштирилади ва туз солинади. Агар пишлоқ тузли бўлса, камроқ солиш тавсия этилади.
- Кичкина стакан олиб, ичига қандолат қоғози жойлаштирилади. Устига икки ош қошиқ картошкали аралашма ёйилади.
- Устидан 2 ош қошиқ қиймали аралашма жойлаштирилади ва қошиқ билан текисланади.
- Яна картошкали аралашма солинади, сўнг қандолат қоғози ёрдамида массадан думалоқ шарчалар ҳосил қилинади ва қоғозни олиб ташлаб, ёғланган това устига терилади.
- 180-200 даражада 35-40 дақиқага печга қўйилади.
Изоҳ (0)