Kechki ovqatga tovuq va qo‘ziqorinli turkcha sote tayyorlab ko‘ring

Turk oshxonasida mantarli tavuk sote deb ataladigan mazkur taomni tayyorlashga ketgan vaqtingizga achinmaysiz.

Buning uchun quyidagi mahsulotlar kerak bo‘ladi:

• tovuq filesi — 250 gr;
• qo‘ziqorin — 20 dona;
• yashil bulg‘ori qalampiri — 1 dona;
• qizil bulg‘ori qalampiri — 1 dona;
• sariq bulg‘ori qalampiri — 1 dona;
• piyoz — 1 dona;
• tomat pastasi — 1 osh qoshiq;
• o‘simlik yog‘i — 100 ml;
• ta’bga ko‘ra tuz, murch.

• O‘simlik yog‘i solingan tovada kubik qilib to‘g‘ralgan tovuqni qovuring.
• Tomat pastasi, tuz va murch qo‘shib aralashtiring.
• Bulg‘ori qalampirlari va piyozni qo‘shib, 15-20 daqiqa dimlang.
• Qo‘ziqorin qo‘shib aralashtiring.
• Mazkur taomni guruch yoki pyure bilan qo‘shib dasturxonga torting.