Ажабсандали — грузин ошхонасига мансуб таом ҳисобланади. Бақлажон, сариёғда қовурилган помидор, зиравор ва барра кўкатлар аралашмаси қорни тўқ инсоннинг ҳам иштаҳасини очишига шубҳа йўқ.
Бунинг учун қуйидаги маҳсулотлар керак бўлади:
- кинза (кориандр) япроқлари — 100 гр;
- бақлажон —1 кг;
- помидор —200 гр;
- пиёз — 150 гр;
- саримсоқ — 20 гр;
- таъбга кўра райҳон;
- қизил булғори қалампири — 150 гр;
- анор доналари — 60 гр;
- сариёғ — 50 гр;
- таъбга кўра туз, мурч;
- ўсимлик ёғи — 50 гр.
- Бақлажон пўстини артиб, 5-7 мм қалинликда сомонча шаклида тўғранг.
- Тузланг ва тахири чиқиб кетиши учун 1-2 соатга музлаткичга қўйинг.
- Сўнгра ўсимлик ёғи солинган товада қизартириб қовуриб олинг.
- Помидор ва пиёзни кубик шаклида тўғраб олинг.
- Ўсимлик ёғи солинган товада пиёзни қовуринг, устидан сариёғ солинг.
- Саримсоқ ва булғори қалампирини майда тўғраб, туз сепинг.
- Сариёғ солинган қозонга помидор солинг.
- Бақлажон, пиёз ва саримсоқли аралашмани алоҳида-алоҳида қўшиб аралаштиринг.
- 10-15 дақиқа димлаб пиширинг.
- Туз ва зираворларни сепинг, ярим пиёла сув солинг ва яна димлаб пиширинг.
- Пишган овқатни совутинг, барра кўкатлар, райҳон япроқлари ва анор доналарини қўшинг.
Изоҳ (0)