Kistibi – kartoshkali tatarcha non retsepti

Dunyo taomlari mazasidan bahramand bo‘ling. Dasturxoningizni yana bir ajoyib yegulik bilan boyiting.

Kerakli mahsulotlar:

• Sut – 330 ml;
• Tuxum – 1 dona;
• Shakar – 1 choy qoshiq;
• Tuz – 1 choy qoshiq;
• Sariyog‘ – 100 gr;
• Un – 270 gr;
• Yog‘ – 50 gr;
• Kartoshka – 1 kg;
• Piyoz – 1 dona.

1. 130 ml sutga tuz, shakar va tuxum solib aralashtiriladi;
2. 50 gr sariyog‘ eritiladi va sutli aralashmaga quyiladi;
3. Elakdan o‘tkazilgan 270 gr un solinib, xamir qoriladi.
4. Xamirni tindirish uchun 20 daqiqaga qo‘yiladi.
5. Xamir tinguncha, “nachinka” tayyorlanadi;
6. Qaynatib olingan kartoshka tozalanadi va pyure qilinadi, ustidan 200 ml sut va yog‘ quyiladi;
7. Piyoz bo‘laklarga bo‘linib, tovada qovuriladi va kartoshka pyuresi solib dimlanadi;
8. Tingan xamir 10–12 bo‘lakka bo‘linib dumaloq shaklda yoyiladi;
9. Tayyor bo‘lgan nonlar quruq tovada pishirib olinadi;
10. Pishirilgan nonlar darhol yog‘lanadi va sochiq bilan o‘raladi;
11. Nonlarning hammasi pishirib olingandan so‘ng har bir nonning yarmiga kartoshka pyure solinadi va nonning yarmi buklanadi;
12. Yog‘langan tovada nonlarning usti qizarguncha pishirib olinadi. Mazali qarsildoq nonlar tayyor!