Nonushtaga nima pishirishni bilmayotgan uy bekalari uchun tez pishadigan “cheburek” retsepti bilan bo‘lishamiz. Ushbu mazali yegulik ta’mi, oila a’zolaringiz og‘zida qolishi aniq.
- Qovoqcha (kabachki) — 550 gr
- Mol go‘shti — 430 gr
- Piyoz — 150 gr
- Shivit — 30 gr
- Un — 250 gr
- Sut — 350 ml
- Tuxum — 2 dona
- O‘simlik yog‘i —190 ml
- Tuz, murch ta’bga ko‘ra
- Go‘shtni qaynatib oling.
- Mayda to‘g‘ralgan piyozni o‘simlik yog‘i solingan tovada qovurib oling.
- Go‘sht va piyozni go‘sht qiymalagichdan chiqaring va tuz, murch seping.
- Qovoqchani qirg‘ichdan chiqarib, tuxum, un, sut, o‘simlik yog‘i va tuz qo‘shing.
- Quymoqnikidan quyuqroq xamir bo‘lishi kerak.
- Bir-ikki qoshiq yog‘ solingan tovaga bitta quymoq pishirish uchun soladigan miqdorda xamir soling. Xamir tovani qoplashi kerak.
- Xamirning yarmiga qiyma soling va 1-2 daqiqadan keyin buklang.
- Ikkinchi tomonini ham pishirib oling.
