Кистиби – картошкали татарча нон рецепти

Дунё таомлари мазасидан баҳраманд бўлинг. Дастурхонингизни яна бир ажойиб егулик билан бойитинг.

Керакли маҳсулотлар:

• Сут – 330 мл;
• Тухум – 1 дона;
• Шакар – 1 чой қошиқ;
• Туз – 1 чой қошиқ;
• Сариёғ – 100 гр;
• Ун – 270 гр;
• Ёғ – 50 гр;
• Картошка – 1 кг;
• Пиёз – 1 дона.

1. 130 мл сутга туз, шакар ва тухум солиб аралаштирилади;
2. 50 гр сариёғ эритилади ва сутли аралашмага қуйилади;
3. Элакдан ўтказилган 270 гр ун солиниб, хамир қорилади.
4. Хамирни тиндириш учун 20 дақиқага қўйилади.
5. Хамир тингунча «начинка» тайёрланади;
6. Қайнатиб олинган картошка тозаланади ва пюре қилинади, устидан 200 мл сут ва ёғ қуйилади;
7. Пиёз бўлакларга бўлиниб, товада қовурилади ва картошка пюреси солиб димланади;
8. Тинган хамир 10–12 бўлакка бўлиниб думалоқ шаклда ёйилади;
9. Тайёр бўлган нонлар қуруқ товада пишириб олинади;
10. Пиширилган нонлар дарҳол ёғланади ва сочиқ билан ўралади;
11. Нонларнинг ҳаммаси пишириб олингандан сўнг ҳар бир ноннинг ярмига картошка пюре солинади ва ноннинг ярми букланади;
12. Ёғланган товада нонларнинг усти қизаргунча пишириб олинади. Мазали қарсилдоқ нонлар тайёр!