Nissan kompaniyasi markaning eng hamyonbop krossoveri deya e’tirof etilayotgan Magnite avtomobilning salonini namoyish etdi. Model Hindiston bozori uchun sotuvga chiqadi, deb xabar beradi AutoCar India.
Yangi model saloni oq va to‘q qizil ranglarda ishlangan. “Torpeda” qismi va o‘rindiqlarga olti burchakli naqshlar tushirilgan. Havo haydovchi deflektorlarda ham xuddi shu kabi shakllarni uchratish mumkin.
Rulning orqa qismidagi qurilmalar paneli ulkan ekranga ega bo‘lgan. Old panelda esa multimedia tizimi uchun sakkiz dyuymli planshet joylashgan. Magnite kruiz-nazorat va yon tomonlarni kuzatish kameralariga ega bo‘ladi.
Magnite old uzatmali CMF-A platformasiga ega bo‘lib, ikkita modifikatsiyada taqdim etiladi. Avtomobilning 72 ot kuchiga ega 1,0 litrli uch silindrga ega atmosfera dvigatellisini hamda 95 ot kuchiga ega turbo-versiyasini xarid qilish mumkin. Yangi model mexanik va “robot” uzatmalar qutisi yordamida boshqariladi.
Izoh (0)