Amerikaning So Flo Jeeps firmasi Jeep Gladiator’ni 38 dyuymli g‘ildiraklar va qizil “ko‘zli”-faralarga ega “maxluq”qa aylantirdi. Qora rang va to‘liq qayta ishlangan old qism pikapni yanada vajohatli ko‘rsatadi, deb xabar beradi Motor.
Loyiha mualliflarining so‘zlariga ko‘ra, Gladiator-“maxluq” uzaytirilgan asosga ega, g‘ildiraklari 6x6, yo‘lni yoritirish tizimi 120 millimetrga oshirilgan. Old va orqa “podveska”lar o‘zgarishsiz qolgan, rul boshqaruvi takomillashtirilgan. Tanlov uchun pikapning ikkita modifikatsiyasi taklif etilmoqda: 500 ot kuchiga ega 6,2 litrli benzinda harakatga keladigan Corvette dvigateli yoki 300 ot kuchiga ega dizelli motor. Mashinalar narxi mos ravishda 140 hamda 150 ming dollarni tashkil etadi.
Tyunerlar asosiy e’tiborni pikapning old qismiga qaratgan bo‘lib, olovli-qizil faralarni qo‘shgan. Bu qo‘rqinchli filmlardagi maxluqlarning ko‘zini yodga soladi. Shuningdek, havo aylantirgichga ega yangi kapot hamda soxta radiator panjarasi o‘rnatilgan.
Izoh (0)