Nissan компанияси марканинг энг ҳамёнбоп кроссовери дея эътироф этилаётган Magnite автомобилнинг салонини намойиш этди. Модель Ҳиндистон бозори учун сотувга чиқади, деб хабар беради AutoCar India.
Янги модель салони оқ ва тўқ қизил рангларда ишланган. «Торпеда» қисми ва ўриндиқларга олти бурчакли нақшлар туширилган. Ҳаво ҳайдовчи дефлекторларда ҳам худди шу каби шаклларни учратиш мумкин.
Рулнинг орқа қисмидаги қурилмалар панели улкан экранга эга бўлган. Олд панелда эса мультимедиа тизими учун саккиз дюймли планшет жойлашган. Magnite круиз-назорат ва ён томонларни кузатиш камераларига эга бўлади.
Magnite олд узатмали СMF-А платформасига эга бўлиб, иккита модификацияда тақдим этилади. Автомобилнинг 72 от кучига эга 1,0 литрли уч цилиндрга эга атмосфера двигателлисини ҳамда 95 от кучига эга турбо-версиясини харид қилиш мумкин. Янги модель механик ва «робот» узатмалар қутиси ёрдамида бошқарилади.
Изоҳ (0)