Amerikada Menni Xoshbin ismli ko‘chmas mulk agenti birdaniga beshta Mercedes-Benz SLR McLaren sotib oldi. Ish vaqtining tig‘izligi sabab biznesmen superkarlarini sotib olganidan uch oy o‘tganidan keyingina haydab ko‘rishga vaqt topgan va u birdaniga beshtasini sinovdan o‘tkazishga qaror qilgan, deb xabar beradi Motor.
Xoshbinning aytishicha, u har ikki haftada bir marotaba ikki eshikli mashinalarning har birida kamida ikki mil (uch kilometrdan ortiqroq) yo‘l bosish niyatida. Uning so‘zlariga ko‘ra, bu kabi “jadval”ni unga Mercedes-Benz dileri agregatlarning yaxshi ishlashini saqlab qolish maqsadida tavsiya qilgan.
Shuningdek, amerikalik biznesmenning kolleksiyasidan ikkita Bugatti Veyron, bir nechta McLaren, Rolls-Royce, Porsche Carrera GT modellari, Xoshbin buyurtmasiga ko‘ra, yaratilgan Pagani Huayra sportkari hamda kuzov detallari 24 qirotli oltindan ishlangan Koenigsegg Agera RS Phoenix mavjud. Hashamatli “yevropaliklar” orasida bitta Amerika modeli ham bor — Tesla Model X elektrokari.
Izoh (0)