Birlashgan Arab Amirliklari Sog‘liqni saqlash vazirligi 20-mart kuni kechasi koronavirusdan ikki kishi vafot etganini ma’lum qildi.
“RIA Novosti”ning yozishicha, ulardan biri mamlakatning 78 yoshli fuqarosi bo‘lib, u kasallikni Yevropadan yuqtirib kelgan. Vafot etgan bemorning ikkinchisi BAAda yashovchi Osiyo mamlakatlaridan bo‘lgan 58 yoshli fuqaro bo‘lgan.
Qayd etilishicha, ushbu bemorlarda bir vaqtning o‘zida yurak va buyrak bilan bog‘liq boshqa kasalliklar ham bo‘lgan. So‘nggi ma’lumotlarga ko‘ra, BAAda 140 kishi koronavirusga chalingan.
Avvalroq Turkiyada koronavirus bilan kasallanganlar soni bir kunda qariyb ikki baravar ko‘paygani, Italiyada koronavirusdan bir sutkada 627 kishi vafot etgani, Qirg‘izistonda yana 6 kishida koronavirus aniqlangani xabar berilgan edi. O‘zbekistonda esa koronavirusga chalinganlar soni 41 nafarga yetdi.
Izoh (0)