Koronavirus tarqalishining oldini olish uchun aksariyat yirik tadbir va marosimlar qatori masjidlarda juma namozini o‘qish ham vaqtincha to‘xtatib qo‘yildi. O‘zbekistonda ham juma namozi o‘rniga peshin namozini uyda o‘qish tavsiya etildi. Reuters agentligi dunyoning turli mamlakatlarida 20-mart, juma kuni peshin namozi qanday ado etilgani bo‘yicha reportaj e’lon qildi.
Kot-d’ivuarlik 36 yoshli Ismoil Badir onasi Kamil Fatma bilan uyda peshin namozini o‘qimoqda.Foto: Reuters
Ar-Riyoddagi Ar-Raji masjidida muazzin azon aytib, peshin namozi vaqti bo‘lganini bildirmoqda.Foto: Reuters
Iordaniya poytaxti Ammandagi Al-Hussayni masjidi kirish qismi lenta bilan to‘sib qo‘yilgan.Foto: Reuters
Ramallohda masjidlar yopilgani sababli falastinliklar trotuarda juma namozini o‘qimoqda.Foto: Reuters
Keniya poytaxti Nayrobidagi Jomiya masjidi eshigiga koronavirus xavfi sababli masjid yopilganligi to‘g‘risida e’lon osib qo‘yilgan.Foto: Reuters
Qohiradagi Al-Azhar masjidiga juma namoziga kelgan odamlarning aksariyati niqob taqib olgan.Foto: Reuters
Zenitsa shahridagi mahalliy islom kengashi a’zolari Sulton Ahmad masjidida namoz o‘qimoqda. Bosniyada koronavirus tarqalishni boshlagach, masjidlarda juma namozini o‘qish to‘xtatib qo‘yildi.Foto: Reuters
Bag‘doddagi masjidda juma namozini yolg‘iz o‘qiyotgan imom-xatib.Foto: Reuters
Pokistonning Peshavor shahrida juma namoziga to‘plangan musulmonlar. Hozirda Pokistonda 500 dan ortiq odamda koronavirus aniqlangan.Foto: Reuters
Hindistonning Ahmadobod shahridagi Juma masjidiga juma namoziga yig‘ilgan musulmonlar kasallik tezroq tugatilishini so‘rab duo qilmoqda.Foto: Reuters
