Glazgoda Shotlandiya mustaqilligi tarafdorlarining namoyishida 80 mingdan ortiq kishi qatnashdi. Bu haqda “Kommersant” xabar bermoqda.
Ular Brexit’dan so‘ng Buyuk Britaniyadan ajralish bo‘yicha qayta referendum o‘tkazishga chaqirmoqda. 2020-yil davomida All Under One Banner (AUOB) tashkiloti jami 8 ta shunday ommaviy tadbir o‘tkazishni rejalashtirgan.
“Bugun Glazgoda mustaqillik uchun ko‘chaga chiqqanlarning barchasiga omad tilayman. Ob-havo unchalik ham yomon emasligiga umid qilaman”, — deya yozuv qoldirgan Shotlandiya birinchi vaziri Nikola Sterjen Twitter’dagi sahifasida.
Namoyishchilarning shahar bo‘ylab kezishi shamol va yomg‘ir bilan kechdi. Ular qo‘llarida “London boshqaruvi yakun topsin” kabi so‘zlar bitilgan plakatlar ko‘tarib olgandi.
Izoh (0)