Eronda Ukraina samolyotining urib tushirilishi tufayli hukumatga qarshi namoyishlar qayta tiklandi (video)

Eron hukumati Ukrainaning yo‘lovchi samolyotini xatolik tufayli urib tushirganini tan olganidan so‘ng boshlangan namoyishlar qayta tiklandi. Bu haqda Reuters agentligi xabar berdi, deb yozadi Meduza.

Norozilik namoyishini Tehrondagi bir nechta universitetlar talabalari uyushtirgan. Ular “Bizning televideniye — bu sharmandalik”, “Islom inqilobi muhofizlari korpusi qotillik uchun javobgar” va “Ular bizning dushman Amerika deb aldamoqda, dushmanlarimiz shu yerda” deb hayqirmoqda.

Twitter’da bir nechta videoroliklar e’lon qilindi. Unda Tehrondagi namoyish ishtirokchilari yerga chizilgan AQSh va Isroil bayroqlarini aylanib o‘tayotgani tasvirlangan. Twitter foydalanuvchilari bayroqlarni bosganlarga namoyish ishtirokchilari “Sharmanda!” deb baqirganini ta’kidlamoqda.

https://twitter.com/mamlekate/status/1216293738760351744

Talabalarning norozilik namoyishlari Isfahonda ham o‘tayotgani xabar qilinmoqda.

https://twitter.com/IranNW/status/1216303341086695424

11-yanvar kuni talabalar Eron raketasi bilan urib tushirilgan Ukraina Boeing’i aviahalokati aybdorlarini jazolashni talab qilib, norozilik namoyishigachiqqandi.

“Ukraina xalqaro avialiniyalari”ning Kiyevga uchayotgan Boeing 737 samolyoti 8-yanvar kuni Tehron aerportidan havoga ko‘tarilganidan ko‘p o‘tmay qulagan edi. Hodisa oqibatida 176 kishi halok bo‘lgan. Eron Ukraina samolyotini xatolik sabab urib tushirganini tan oldi. Uni dushman nishoni deb o‘ylashgan.

12-yanvar kuni Islomiy inqilobiy muhofizlari korpusi Ukraina samolyoti halokati uchun javobgarlikni o‘z zimmasiga oldi. Eron urib tushirilgan Boeing qora qutilarini Fransiyaga topshirilishini ma’lum qildi.

Ukraina prezidenti Vladimir Zelenskiy “Ukraina xalqaro avialiniyalari”ning Eron havo hujumidan mudofaa tizimi raketasi bilan urib tushirilishida aybdor bo‘lganlarning bari javobgarlikka tortilishiga va’da berdi.