AQSh va Eron o‘rtasida Sulaymoniyning o‘limidan keyin muzokaralar o‘tkazilgani ma’lum bo‘ldi

General Qosim Sulaymoniyning o‘limidan keyin AQSh prezidenti Donald Tramp administratsiyasi Tehronga nizo sabab shoshma-shosharlik bilan harakatlarni amalga oshirmaslikni so‘rab tezkor murojaat yo‘llagan. Bu haqda The Wall Street Journal (WSJ) amerikalik amaldorlar orasidagi manbalariga tayanib xabar qilgan. Shifrlangan murojaat Erondagi Shevysariya elchixonasi orqali yuborilgan.

AQSh va Eron xabarlar almashinuvini davom ettirmoqda. Ikki tomon siyosatchilarinign fikricha, murojaat qo‘pol so‘zlardan holi bo‘lgan va rasmiy shaklda yo‘llangan.

“Eronliklar bilan bir necha kundan buyon muzokara olib bormayapmiz, lekin biz muzokara boshlaganimizda Shveysariya xabarlar yuborishda muhim rol o‘ynadi va muammoning murakkablashmasligiga xizmat qildi”,— degan AQSh amaldorlaridan biri.

Eronning BMTdagi missiyasi vakili ushbu mavzu yuzasidan sharh berishni istamagan, lekin Tehronning Shveysariya kommunikatsiya kanallari bilan ta’milashda ko‘rsatgan xizmatlaridan minnatdorligini bildirgan.

General Qosim Sulaymoniy 3-yanvarda AQShning Bag‘doddagi aeroportiga bergan aviazarbasi oqibatida halok bo‘lgan. Vashington ushbu qaror yuzasidan izoh berish chog‘ida general amerikaliklarga hujumlar uyushtirishni rejalashtirganini bildirgan. AQSh ushbu harakati yuzasidan aniq dalillar keltirmagan. Tehron Qosim Sulaymoniyning o‘limi uchun qasos olishni va’da qilgan. Avvaliga Eron yadro kelishuvidagi majburiyatlarini qisqartirdi, keyinroq AQSh hamda Pentagonni terrorchilik tashkilotlari deb e’lon qilish bo‘yicha qonunni qabul qildi. 8-yanvarda Eron AQShning Iroqdagi harbiy bazalariga 5 ta raketa yo‘lladi. Donald Tramp ushbu harakatlarga javoban Tehronga yangi sanksiyalar qo‘llashini aytgan.