Rossiyalik deputat maktab o‘quvchilarini pirotexnikadan xavfsiz foydalanishga o‘rgatishni taklif qildi

Rossiya davlat dumasi deputati Vitaliy Milonov maktablarda pirotexnika vositalaridan foydalanish bo‘yicha xavfsizlik darslarini joriy etishni taklif qildi. U ta’lim vaziri Olga Vasilyevaga shunday mazmundagi murojaatni yubordi, deb xabar berdi “Kommersant”.

Milonovning ta’kidlashicha, ko‘pincha maktab o‘quvchilarining pirotexnika vositalariga bo‘lgan qiziqishi ularning shikastlanishiga va uchinchi shaxslarga zarar yetkazishga olib keladi. Shu bilan birga, deputat pirotexnika mahsulotlarini sotishning cheklanganligi sababli bolalar xavfli bo‘lgan pirotexnika vositalaridan foydalanishga majbur bo‘lmoqda.

Shuningdek, u qishki ta’tildan oldin maktab o‘quvchilariga pirotexnikadan foydalanish qoidalarini o‘rgatibgina qolmay, balki mutaxassislar ishtirokida xavfsiz usulda mushakbozlik qilishga o‘rgatadigan darslar o‘tilishini ham taklif qildi.

O‘zbekistonda ham qo‘lbola pirotexnika vositalaridan foydalanish oqibatida bir o‘smirning og‘ir jarohatlangani, yana bir holatda esa 15 yoshli bolaning halok bo‘lgani haqida xabar berilgan edi.