Nigeriyalik ayol unga boylik keltirishi lozim bo‘lgan marosim davomida bo‘lajak kelinining yuragini yedi. Bu haqda Daily Star xabar bermoqda.
Lagos universiteti sotsiologiya fakultetida o‘qigan 22 yashar Favur Daley-Oladelening ota-onasi uning g‘oyib bo‘lgani haqida o‘tgan yil dekabrida politsiyaga murojaat qilgandi. Politsiya talaba qiz uchrashib yurgan yigit, 23 yashar Ovolabi Adeyeko uni mehmonxonaga olib ketgani, narkotiklar bilan sarxush qilgani va shundan keyin o‘zini ruhoniy deb e’lon qilgan pastor Segun Filip rahbarlik qilgan mahalliy cherkovlardan biriga olib borganini aniqladi.
Adeyeko bu yerda qizning boshini majaqlaydi, keyin esa pastor uni bo‘g‘izlab, ko‘kragini kesib tashlab, ichki organlari, jumladan, yuragini sug‘urib oladi. Shundan so‘ng Filip qizning organlaridan Adeyeko va uning onasi Bolaga boylik keltirishi lozim bo‘lgan maxsus taom tayyorlaydi.
Bolaning ta’kidlashicha, qizning o‘ldirilishi haqida hech narsa bilmagan, o‘g‘li esa taom echki go‘shti va ichak-chavoqlaridan tayyorlanganiga ishontirgan. Hozirda ona-bola qamoqqa olingan.
Izoh (0)