Россия давлат думаси депутати Виталий Милонов мактабларда пиротехника воситаларидан фойдаланиш бўйича хавфсизлик дарсларини жорий этишни таклиф қилди. У таълим вазири Ольга Василевага шундай мазмундаги мурожаатни юборди, деб хабар берди «Коммерсантъ».
Милоновнинг таъкидлашича, кўпинча мактаб ўқувчиларининг пиротехника воситаларига бўлган қизиқиши уларнинг шикастланишига ва учинчи шахсларга зарар етказишга олиб келади. Шу билан бирга, депутат пиротехника маҳсулотларини сотишнинг чекланганлиги сабабли болалар хавфли бўлган пиротехника воситаларидан фойдаланишга мажбур бўлмоқда.
Шунингдек, у қишки таътилдан олдин мактаб ўқувчиларига пиротехникадан фойдаланиш қоидаларини ўргатибгина қолмай, балки мутахассислар иштирокида хавфсиз усулда мушакбозлик қилишга ўргатадиган дарслар ўтилишини ҳам таклиф қилди.
Ўзбекистонда ҳам қўлбола пиротехника воситаларидан фойдаланиш оқибатида бир ўсмирнинг оғир жароҳатлангани, яна бир ҳолатда эса 15 ёшли боланинг ҳалок бўлгани ҳақида хабар берилган эди.
Изоҳ (0)