Parijda “Normand to‘rtligi”ga kiruvchi davlat rahbarlarining (Vladimir Putin, Emmanuel Makron, Angela Merkel, Vladimir Zelenskiy) navbatdagi sammiti bo‘lib o‘tdi, deb xabar beradi Meduza.
Ukraina sharqidagi mojarolarni tartibga solishga bag‘ishlab 2016-yildan buyon birinchi marta yuqori doirada o‘tkazilgan mazkur uchrashuv sakkiz soatga yaqin davom etdi. Muzokaralar aynan qay tarzda o‘tishi haqida ma’lumotlar bir necha bor o‘zgardi. Natijada, dastlab Putin va Zelenskiy yevropalik hamkasblari bilan alohida yuzma-yuz uchrashib, muzokara o‘tkazdi. Shundan so‘ng, to‘rt tomonlama muzokaralar boshlandi, o‘z navbatida Rossiya va Ukraina prezidentlari alohida gaplashib olishi uchun uchrashuv bir qancha vaqt tanaffus ham qildi.
Uchrashuv davomida “Mojaro hududidagi vaziyatni zudlik bilan barqarorlashtirish bo‘yicha chora-tadbirlar”, “ ‘Minsk bitimi’da belgilangan siyosiy kelishuvlarni amalga oshirish bo‘yicha chora-tadbirlar” va “Taklif” mavzulari muhokama qilindi. Hujjat matniga ko‘ra, joriy yil oxiriga qadar Rossiya, Ukraina, shuningdek, Donetsk va Lugansk xalq respublikalari qurolli mojarolar vaqtida qo‘lga olingan barcha asirlarni bir-biriga qaytarishi kerak. Biroq Zelenskiyning matbuot anjumanida “barchasi barchaga” formulasi haqida aytgan bo‘lsa, Putin “belgilangan” shaxslar ekanligini ta’kidlab o‘tgan.
Shuningdek, 2020-yilning mart oyi oxiriga qadar Ukraina qo‘shinlari o‘z tomonidan va Donetsk va Lugansk kuchlari esa o‘z tomonidan yana qo‘shimcha uchta punkt ortga siljiydi. Butun front liniyasidan qurolli kuchlari olib ketish bo‘yicha kelishuvga erishilmadi.
Tomonlar Ukraina qanday sharoitda Rossiya bilan davlat chegasining nazoratini qaytarib olishi mumkinligiga ham aniqlik kiritilmadi. Putin bu “Minks bitimi”dagi kelishuv bo‘yicha, ya’ni Donbassda saylovlar bo‘lganidan so‘ng, amalga oshishini bildirgan. Zelenskiy esa ushbu shartga rozi emas.
Uchrashuv davomida Qirm mavzusi umuman muhokama qilinmadi.
Gaz bo‘yicha ham muammolar hal etilmadi. “Naftogaz” kompaniyasi ijrochi direktori Yuriy Vitrenkoning aytishicha, tomonlar “kelishuvlarni davom ettirishga kelishib olgan”. Yil oxiriga qadar biror bir natijaga erishilmasa, 2020-yil 1-yanvardan Rossiya gazi Yevropaga yetkazib berilmaydi.
Muzokaralar yakunida Zelenskiy Putin bilan o‘rtasidagi vaziyat hozircha durrang ekanligini bildirgan. “Bugun qandaydir yon bosishlar bo‘ldi, men buni sezdim. Hozircha to‘g‘ri diplomat qanday bo‘lishi kerakligini bilmayman, chunki bu haqda endi gapirishni boshladi. Keling, yaxshisi vaziyatni durrang deb baholaymiz”, — deydi Ukraina prezidenti.
Izoh (0)