Xitoy rasmiylarining ma’lum qilishicha, maxsus lagerlarda qayta o‘qitilgan musulmonlar o‘zini baxtiyor his qilmoqda. Bu haqda Shinjon-Uyg‘ur avtonom hududi rahbari Shuhrat Zokirga tayanib, The Independent xabar bermoqda.
Rasmiyning so‘zlariga ko‘ra, Xitoy hukumati tufayli uyg‘urlar ish topishi va o‘z hayoti sifatini yaxshilashi mumkin. Uning qo‘shimcha qilishicha, Xitoy mahalliy musulmonlarni Shinjon-Uyg‘ur avtonom hududidagi lagerlarda siyosiy qayta tarbiyalash ishlarini davom ettiradi.
Siyosatchining aytishicha, lagerlar hududida harakatlanish erkin, uyg‘urlar u yerdan har qanday vaqtda ketishi mumkin. O‘quv dasturini esa u oddiy va ochiq o‘quv trening sifatida tavsiflagan.
Biroq uyg‘urlarning faollari bu bayonotlarni rad etmoqda. Qayd etilishicha, bu kabi lagerlarga olib ketilgan ba’zi uyg‘urlar bir necha yildan beri bedarak yo‘qolgan hisoblanadi.
Izoh (0)