Парижда «Норманд тўртлиги»га кирувчи давлат раҳбарларининг (Владимир Путин, Эммануэл Makroн, Ангела Меркель, Владимир Зеленский) навбатдаги саммити бўлиб ўтди, деб хабар беради Meduza.
Украина шарқидаги можароларни тартибга солишга бағишлаб 2016 йилдан буён биринчи марта юқори доирада ўтказилган мазкур учрашув саккиз соатга яқин давом этди. Музокаралар айнан қай тарзда ўтиши ҳақида маълумотлар бир неча бор ўзгарди. Натижада, дастлаб Путин ва Зеленский европалик ҳамкасблари билан алоҳида юзма-юз учрашиб, музокара ўтказди. Шундан сўнг, тўрт томонлама музокаралар бошланди, ўз навбатида Россия ва Украина президентлари алоҳида гаплашиб олиши учун учрашув бир қанча вақт танаффус ҳам қилди.
Учрашув давомида «Можаро ҳудудидаги вазиятни зудлик билан барқарорлаштириш бўйича чора-тадбирлар», « ‘Минск битимиъда белгиланган сиёсий келишувларни амалга ошириш бўйича чора-тадбирлар» ва «Таклиф» мавзулари муҳокама қилинди. Ҳужжат матнига кўра, жорий йил охирига қадар Россия, Украина, шунингдек, Донецк ва Луганск халқ республикалари қуролли можаролар вақтида қўлга олинган барча асирларни бир-бирига қайтариши керак. Бироқ Зеленскийнинг матбуот анжуманида «барчаси барчага» формуласи ҳақида айтган бўлса, Путин «белгиланган» шахслар эканлигини таъкидлаб ўтган.
Шунингдек, 2020 йилнинг март ойи охирига қадар Украина қўшинлари ўз томонидан ва Донецк ва Луганск кучлари эса ўз томонидан яна қўшимча учта пункт ортга силжийди. Бутун фронт линиясидан қуролли кучлари олиб кетиш бўйича келишувга эришилмади.
Томонлар Украина қандай шароитда Россия билан давлат чегасининг назоратини қайтариб олиши мумкинлигига ҳам аниқлик киритилмади. Путин бу «Минкс битими»даги келишув бўйича, яъни Донбассда сайловлар бўлганидан сўнг, амалга ошишини билдирган. Зеленский эса ушбу шартга рози эмас.
Учрашув давомида Қирм мавзуси умуман муҳокама қилинмади.
Газ бўйича ҳам муаммолар ҳал этилмади. «Нафтогаз» компанияси ижрочи директори Юрий Витренконинг айтишича, томонлар «келишувларни давом эттиришга келишиб олган». Йил охирига қадар бирор бир натижага эришилмаса, 2020 йил 1 январдан Россия гази Европага етказиб берилмайди.
Музокаралар якунида Зеленский Путин билан ўртасидаги вазият ҳозирча дурранг эканлигини билдирган. «Бугун қандайдир ён босишлар бўлди, мен буни сездим. Ҳозирча тўғри дипломат қандай бўлиши кераклигини билмайман, чунки бу ҳақда энди гапиришни бошлади. Келинг, яхшиси вазиятни дурранг деб баҳолаймиз», — дейди Украина президенти.
Изоҳ (0)