AQShning harakatlari tufayli Jahon savdo tashkilotining apellyatsiya organi yaqin kunlarda o‘z faoliyatini to‘xtatishga majbur bo‘ladi, undan so‘ng esa “jahon savdo qoidalari ta’sir kuchini yo‘qotadi”. Bu haqda Germaniyaning Der Spiegel jurnaliga asoslanib, “RIA Novosti” xabar berdi.
JSTning apellyatsiya organida yetti o‘rin bor, ammo uning ishlashi uchun kamida uch nafar a’zo kerak. Hozirda bu organda uchta maslahatchi bor, ammo 10-dekabrgacha ulardan ikki nafarining ikkinchi va oxirgi vakolati tugaydi.
Oktabr oyi boshida savdo bo‘yicha Yevropa komissari Sesiliya Malmstrom JSTning apellyatsiya organi faoliyati dekabr oyining o‘rtalarida to‘xtatilishi mumkinligini aytgandi.
Spiegel muallifining fikriga ko‘ra, AQSh prezidenti tashkilot faoliyatini to‘xtatish uchun hamma narsa qilyapti.
Jurnalist ushbu prognozni so‘nggi ikki yil ichida Vashington Jahon savdo tashkiloti apellyatsiya organiga yangi a’zolar saylanishiga to‘sqinlik qilayotgani bilan izohlanadi.
“Shunday qilib, apellyatsiya organi tugaydi va u bilan — jahon savdosining asosiy nazorat organi. Organ o‘z faoliyatini to‘xtatgandan so‘ng, ‘JST butun tizimi qulaydi’ bu esa jahon savdo qoidalarini bekor qilishga olib keladi”, — deb yozadi muallif.
Bryussel Tramp “JST tugatilsa, AQSh uchun yanada yaxshi sharoitlarga ega bo‘lish uchun” bu ishni qilayotganini taxmin qilmoqda, deydi maqola muallifi.
JST apellyatsiya organi tugatilishi bilan, jahon savdosiga kuchli mamlakat huquqi qaytishi mumkin, Yevroittifoq bunga qarshi allaqachon qurollana boshlagan, deya qo‘shimcha qiladi muallif.
Izoh (0)