FQB Florida shtatidagi AQSh Harbiy-dengiz kuchlariga tegishli aviabazada sodir bo‘lgan otishmani terakt deb baholamoqda. Bu haqda maxsus agent Reychel Roxas’ga tayanib, CBS xabar berdi.
Eslatib o‘tamiz, 5-dekabr kuni aviabazada sodir bo‘lgan otishma oqibatida uch kishi halok bo‘lgan (jumladan, mergan ham), 11 kishi jarohat olgan edi.
FQBning aniqlashicha, hujumda “Glok 45 9 mm” to‘pponchasidan foydalanilgan. Ushbu qurol qonuniy asosida xarid qilingan. Hujumni uyushtirgan shaxs Saudiya Arabistonining 21 yoshli fuqarosi Muhammad Said Alshamraniy. U aviabazada tahsil olayotgan bo‘lgan.
Mazkur noxush hodisadan so‘ng, AQShda Saudiya Arabistonining olti nafar fuqarosi qo‘lga olingan.
Izoh (0)