AQSh Turkiyaga nisbatan qo‘llanilgan sanksiyalarni bekor qildi (video)

AQSh prezidenti Donald Tramp Suriyadagi harbiy operatsiya sabab Turkiyaga nisbatan qo‘llanilgan sanksiyalarni bekor qildi. Trampning telemurojaati Oq uydan translyatsiya qilindi. Bu haqda Meduza xabar berdi.

“Agar bizga yoqmaydigan qandaydir voqea sodir bo‘lmasa sanksiyalar olib tashlanadi”, — deya ta’kidlagan Tramp.

Donald Tramp Suriyadagi harbiy harakatlarning to‘xtatilganida AQShning ta’siri kuchli bo‘lganligini qayd etdi.

“Ushbu natijaga biz ya’ni boshqa qandaydir davlat emas, balki Amerika Qo‘shma shtatlari erishdi”, — deydi Tramp.

President @realDonaldTrump just announced a major breakthrough toward achieving a better future for Syria and the Middle East. pic.twitter.com/rjykmSmdWw

— The White House 45 Archived (@WhiteHouse45) October 23, 2019

AQSh moliya vazirligi ham Turkiya vazirliklari va davlatning yuqori lavozimdagi amaldorlariga nisbatan qo‘llanilgan sanksiyalar bekor bo‘lganini e’lon qildi.

9-oktabrda Turkiya Suriya shimoli-sharqida kurd jangarilariga qarshi “Tinchlik bulog‘i” harbiy operatsiyasini boshlagan. Donald Tramp avvaliga kurdlarni qo‘llab-quvvatlamagan, keyinroq turklarning ushbu harakatlarini qoralagandi. 14-oktabrda AQSh Turkiyaning ikki vazirligi hamda uchta vaziriga nisbatan sanksiyalar qo‘llanilganini e’lon qildi.

17-oktabrda Turkiya prezidenti Rajab Toyyib Erdo‘g‘on AQSh vitse-prezidenti Mayk Pens bilan Suriya shimoli-sharqidagi harbiy harakatlarni kurdlar qochoqlar uchun tashkil qilinadigan “xavfsiz zona” hududini tark etishi uchun 120 soatga to‘xtatgan.23-oktabrda Erdo‘g‘on Rossiya prezidenti Vladimir Putin bilan Suriyadagi vaziyatni muhokama qildi va ikki davlat rahbari mamlakat shimoli-sharqida harbiy harakatlarni yana 150 soatga to‘xtatish, o‘t ochmaslik sharti bekor bo‘lgach qochoqlar uchun “xavfsiz zona” tashkil qilish yuzasida qo‘shma patrul tadbirlarini o‘tkazish bo‘yicha memorandum imzolagan.Hujjatga ko‘ra, Suriya—Turkiya chegarasida Damashq hukumatining chegara xizmati tomonidan 15 ta post joylashtiriladi.