Efiopiya hukumati yaqin 10 yil oralig‘ida kichik quvvatli atom elektrstansiyasi qurishni rejalashtirmoqda. Bu haqda 23-oktabr kuni Efiopiya Innovatsiyalar va texnologiyalar vaziri Mekuriya Kuma ma’lum qilgan, deb yozmoqda “Izvestiya”.
“Yaqin 10 yil ichida, iloji boricha tezroq ikkita 200 megavatt quvvatga ega stansiyalar qurilishini yakunlashimiz lozim”, — deya qayd etgan vazir Sochida o‘tayotgan Rossiya—Afrika forumida.
Shuningdek, Rossiya hamda Efiopiya forum doirasida atom energiyasidan tinchlik yo‘lida foydalanishni kelishib oldi. “Rosatom” rahbari Aleksey Lixachev kelishuv shartlariga ko‘ra, Efiopiya hududida katta AES qurilishi va ishga tushirilishi ko‘zda tutilganligini ma’lum qildi.
MAGATE shartlariga ko‘ra, kichik quvvatli stansiyalar quvvati 300 megavattga teng deb belgilangan.
Mavzuga doir:
Izoh (0)