АҚШ Туркияга нисбатан қўлланилган санкцияларни бекор қилди (видео)

АҚШ президенти Дональд Трамп Суриядаги ҳарбий операция сабаб Туркияга нисбатан қўлланилган санкцияларни бекор қилди. Трампнинг телемурожаати Оқ уйдан трансляция қилинди. Бу ҳақда Meduza хабар берди.

«Агар бизга ёқмайдиган қандайдир воқеа содир бўлмаса санкциялар олиб ташланади», — дея таъкидлаган Трамп.

Дональд Трамп Суриядаги ҳарбий ҳаракатларнинг тўхтатилганида АҚШнинг таъсири кучли бўлганлигини қайд этди.

«Ушбу натижага биз яъни бошқа қандайдир давлат эмас, балки Америка Қўшма штатлари эришди», — дейди Трамп.

President @realDonaldTrump just announced a major breakthrough toward achieving a better future for Syria and the Middle East. pic.twitter.com/rjykmSmdWw

— The White House 45 Archived (@WhiteHouse45) October 23, 2019

АҚШ молия вазирлиги ҳам Туркия вазирликлари ва давлатнинг юқори лавозимдаги амалдорларига нисбатан қўлланилган санкциялар бекор бўлганини эълон қилди.

9 октябрда Туркия Сурия шимоли-шарқида курд жангариларига қарши «Тинчлик булоғи» ҳарбий операциясини бошлаган. Дональд Трамп аввалига курдларни қўллаб-қувватламаган, кейинроқ туркларнинг ушбу ҳаракатларини қоралаганди. 14 октябрда АҚШ Туркиянинг икки вазирлиги ҳамда учта вазирига нисбатан санкциялар қўлланилганини эълон қилди.

17 октябрда Туркия президенти Ражаб Тоййиб Эрдўғон АҚШ вице-президенти Майк Пенс билан Сурия шимоли-шарқидаги ҳарбий ҳаракатларни курдлар қочоқлар учун ташкил қилинадиган «хавфсиз зона» ҳудудини тарк этиши учун 120 соатга тўхтатган.23 октябрда Эрдўғон Россия президенти Владимир Путин билан Суриядаги вазиятни муҳокама қилди ва икки давлат раҳбари мамлакат шимоли-шарқида ҳарбий ҳаракатларни яна 150 соатга тўхтатиш, ўт очмаслик шарти бекор бўлгач қочоқлар учун «хавфсиз зона» ташкил қилиш юзасида қўшма патрул тадбирларини ўтказиш бўйича меморандум имзолаган.Ҳужжатга кўра, Сурия—Туркия чегарасида Дамашқ ҳукуматининг чегара хизмати томонидан 15 та пост жойлаштирилади.