Majburiy ijro byurosi qarzdorlik summasini undirish maqsadida Andijon special eko trans kompaniyasining 20 ga yaqin maxsus texnikasini xatlab, jarima maydoniga keltirgan. Bu haqda Majburiy ijro byurosi matbuot xizmati “Daryo”ga xabar berdi.
Ma’lumotda aytilishicha, Ohangaron tumanlaro iqtisodiy sudining Andijon special eko trans va qo‘shimcha javobgar “Otash mehri” kompaniyasidan 28,52 milliard so‘m kredit qarzdorligini undirish bo‘yicha ijro varaqasi bo‘lgan.
Unga binoan, qarzdorlik summasi Milliy bankning Toshkent shahar hududiy boshqarmasi foydasiga qaratilgan va undiruv garovdagi mol-mulkka belgilangan.
Byuroning Oltinko‘l tuman bo‘limi garovdagi mol-mulklarni qidirish tadbirini amalga oshirishi natijasida Andijon special eko trans’ga 20 ga yaqin maxsus texnika xatlangan va jarima maydoniga olib ketilgan.
Izoh (0)