O‘zbekiston Senatida 20-sentabr kuni “To‘ylar, oilaviy tantanalar, ma’raka va marosimlar o‘tkazilishini tartibga solish tizimini yanada takomillashtirish to‘g‘risida”gi qo‘shma qaror ijrosi ta’minlash bo‘yicha tuzilgan komissiyaning birinchi yig‘ilishi bo‘lib o‘tdi.
Mavzuga doir: O‘zbekiston adliya vaziri o‘rinbosari: “Shar’iy nikoh o‘qigani uchun javobgarlikka tortish to‘g‘ri emas”
Javobgarlik masalasi, jarima miqdori qancha bo‘lishi haqida aniq to‘xtamga kelingani yo‘q. Kodeksga o‘zgartirish kiritish va yana boshqa tashkiliy ishlar bor.To‘ylar bo‘yicha komissiya raisi Iqbol Mirzo ham javobgarlik masalasida o‘z munosabatini bildirgan. Uning aytishicha, joylarda bu mavzu yuzasidan savol berilganda qonunchilikdagi eng yuqori jarima miqdori ko‘zda tutilayotganligini aytish lozim.Birinchi navbatda qarorning mazmun-mohiyatini joylarga yetkazish kerak. Adliya vazirligining eng quyi bo‘limlarigacha bu qaror jo‘natilgan.
Javobgarlik, albatta, belgilanadi va bu 2020-yilning 1-yanvaridan kuchga kiradi. Balki, jarima belgilanar, balki boshqa turdagi javobgarlikka tortilar.
Xudoyor Meliyev, O‘zbekiston adliya vaziri o‘rinbosari
Dabdabali to‘y qilayotganlarga ma’muriy yoki jinoiy javobgarlik qo‘llash unchalik foyda bermasligi mumkin. Ularni OAV orqali ko‘rsatib, butun xalq oldida sharmanda qilish kerak.Iqbol Mirzo, senator
Izoh (0)