Qurilish sohasiga axborot-kommunikatsiya texnologiyalarini keng joriy etish chora-tadbirlari to‘g‘risidagi Prezident qarori qabul qilindi. Bu haqda “Huquqiy axborot” kanali ma’lum qildi.
Qarorga muvofiq, Qurilish vazirligi faoliyatiga “Shaffof qurilish” milliy axborot tizimi joriy etiladi.
Ushbu tizim 2020-yil 1-iyunga qadar Toshkent viloyatida tajriba tariqasida ishga tushiriladi.
2021 yil 1-yanvarga qadar esa mazkur tizimning respublika bo‘yicha real vaqt rejimida ishlashi ta’minlanadi.
Shuningdek, 2020-yil 1 martgacha “O‘zbekiston Respublikasi davlat shaharsozlik kadastri” geografik axborot tizimi (geoportal) test rejimida ishga tushiriladi.
Shu bilan birga, qaror bilan Qurilish sohasida axborot-kommunikatsiya texnologiyalarini rivojlantirish markazi tashkil etildi.
Bundan tashqari, qurilish sohasida “Korrupsiyasiz soha” loyihasini amalga oshirish bo‘yicha komissiya tashkil etildi. Komissiya korrupsiyaga qarshi choralarni kuchaytirishga oid “ijro etilishi yuzasidan nazorat” tizimini ta’minlaydi.
Izoh (0)