Kuvayt mamlakatida boks bo‘yicha o‘smirlar o‘rtasidagi Osiyo chempionati bo‘lib o‘tdi. Unda o‘zbekistonlik o‘smir bokschilar umumjamoa hisobida 1-o‘rinni qo‘lga kiritdi. Bu haqida O‘zbekiston boks federatsiyasi matbuot xizmati ma’lum qilmoqda.
8-avgust, payshanba kuni musobaqaning final janglari bo‘lib o‘tdi. 14 ta vazn toifasida janglar bo‘lib o‘tgan bo‘lsa, o‘zbekistonlik yosh bokschilar ularning barchasida medallarga ega chiqdi.
12 ta o‘zbekistonlik bokschi finalga qadar yetib bordi va ularning o‘ntasi chempionlikka erishdi, qolgan ikkisi kumush medal bilan taqdirlandi.
Sovrindorlar bilan tanishing:
Oltin:
-35 kg: Humoyunmirzo Abdurasulov-37 kg: Hojiakbar Mahmudov-40 kg: Farrux To‘laganov-43 kg: Umidillo Abdurasulov-46 kg: Boburbek Bobojonov-49 kg: Lazizbek To‘lqinov-52 kg: Dalerjon Bozorov-55 kg: Jahongir Narziyev-61 kg: Mirzob Nekboyev-64 kg: Shavkatjon Boltayev
Kumush:
-58 kg: Abdulaziz Abdurahmonov-67 kg: Shahboz Hamidullayev
Bronza:
-70 kg: Aynazar Kenesbayev+70 kg: Husanboy Rixsiboyev
Kuvaytga yo‘l olgan O‘zbekiston delegatsiyasi 9-avgustdan 10-avgustga o‘tar kechasi (soat 02:30) Toshkentga yetib keladi. Ularni Islom Karimov nomidagi Toshkent xalqaro aeroportida tantanali ravishda kutib olish rejalashtirilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)