Кувайт мамлакатида бокс бўйича ўсмирлар ўртасидаги Осиё чемпионати бўлиб ўтди. Унда ўзбекистонлик ўсмир боксчилар умумжамоа ҳисобида 1-ўринни қўлга киритди. Бу ҳақида Ўзбекистон бокс федерацияси матбуот хизмати маълум қилмоқда.
8 август, пайшанба куни мусобақанинг финал жанглари бўлиб ўтди. 14 та вазн тоифасида жанглар бўлиб ўтган бўлса, ўзбекистонлик ёш боксчилар уларнинг барчасида медалларга эга чиқди.
12 та ўзбекистонлик боксчи финалга қадар етиб борди ва уларнинг ўнтаси чемпионликка эришди, қолган иккиси кумуш медал билан тақдирланди.
Совриндорлар билан танишинг:
Олтин:
-35 кг: Ҳумоюнмирзо Абдурасулов-37 кг: Ҳожиакбар Маҳмудов-40 кг: Фаррух Тўлаганов-43 кг: Умидилло Абдурасулов-46 кг: Бобурбек Бобожонов-49 кг: Лазизбек Тўлқинов-52 кг: Далержон Бозоров-55 кг: Жаҳонгир Нарзиев-61 кг: Мирзоб Некбоев-64 кг: Шавкатжон Болтаев
Кумуш:
-58 кг: Абдулазиз Абдураҳмонов-67 кг: Шаҳбоз Ҳамидуллаев
Бронза:
-70 кг: Айназар Кенесбаев+70 кг: Ҳусанбой Рихсибоев
Кувайтга йўл олган Ўзбекистон делегацияси 9 августдан 10 августга ўтар кечаси (соат 02:30) Тошкентга етиб келади. Уларни Ислом Каримов номидаги Тошкент халқаро аэропортида тантанали равишда кутиб олиш режалаштирилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)