AQShda Instagram-blogerni o‘ldirib, uning jasadini suratini ijtimoiy tarmoqqa joylashtirgan yigit qo‘lga olindi

Nyu-Yorkda voyaga yetmagan Instagram-bloger Byanka Devisni o‘ldirib ketishdi, deb xabar beradi “Zakon.kz”.

Mazkur qotillik bo‘yicha gumonlanib qiz bilan ikki oy oldin tanishgan Brendon Klark ismli yigit qo‘lga olingan. Politsiyaning ma’lumotlariga ko‘ra, juftlik musiqiy konsertga borgan, shundan so‘ng yigit Devisni bo‘g‘izlab tashlagan va uning jasadi tasvirlangan suratni ijtimoiy tarmoqlarga joylashtirgan.

“Menimcha, bu oxirgi postim. Ular meni olib ketishgani kelyapti. Men qo‘rqinchi bir narsaga qo‘l urdim… Afsusdaman”, — deb yozadi Brendon surat ostiga.

Yigit o‘z joniga qasd qilishga uringan, biroq voqea joyiga yetib kelgan huquq-tartibot idoralari xodimlari bunga to‘sqinlik qilib qolgan. Hozirda Brendon Muqaddas Yelizaveta shifoxonasiga olib borilgan.

Instagram-blogerning singlisi Oliviya Devisning so‘zlariga qaraganda, Klark oilaning yaqin do‘sti bo‘lgan, hamma unga ishongan.

Hozirda qotillik nima sababdan yuzaga kelganini aniqlash bo‘yicha ishlar olib borilmoqda.