O‘zbekiston Energetika vazirining birinchi o‘rinbosari, “O‘zatom” bosh direktori Jo‘rabek Mirzamahmudov O‘zbekistonda atom elektr stansiyasi qurilishi qanday istiqbollarga yo‘l ochishi haqida gapirib berdi, deb xabar berdi “Daryo” muxbiri Sevara Nishonova.
“O‘zbekistonda birinchi atom elektr stansiyasini qurish uchun muhandislik-qidiruv ishlarining ikkinchi bosqichi boshlandi. Ushbu hudud ko‘zda tutilgan barcha hududlarda o‘tkazilgan bir yillik tadqiqot natijalari asosida tanlandi. U bunday obyektlarni qurish uchun talab etiladigan bir qator mezonlarga javob beradi.
Avvalo, AES O‘zbekistonga barqaror elektr energiyasi ishlab chiqarish imkonini beradi. Ikkita energiya bloklarini qurish natijasida yiliga 18-18,5 milliard kVt/soat elektr energiyasi ishlab chiqariladi. Bu shuningdek, yangi ish o‘rinlarini yaratishdir. Qurilish ishlariga 8 mingdan ortiq quruvchilar hamda boshqa tegishli tarmoqlar, xizmatlar, transportlar jalb etiladi. Qurilish nihoyasiga yetgach, 2,5 mingdan ortiq ish o‘rni yaratiladi va asosan mazkur tuman aholisi ish bilan ta’minlanadi.
Hudud infrastrukturasini rivojlantirishga hissa qo‘shadigan atomchilar shaharchasini barpo etish ham ko‘zda tutilgan”, - deydi Mirzamahmudov.
Izoh (0)