7-iyul kuni Jizzax viloyati Forish tumanidagi Tuzonko‘l ko‘li yaqinidagi atom stansiyasi qurish uchun tanlangan hududga media-tur uyushtirildi, deb xabar berdi “Daryo” muxbiri Sevara Nishonova.
Tadbirda O‘zbekiston Respublikasi Oliy Majlisi Qonunchilik palatasi deputatlari, O‘zbekiston Ekologik partiyasi deputatlari va harakat vakillari, jurnalistlar, "O‘zatom" davlat aksiyadorlik kompaniyasi mutaxassislari, viloyat hokimiyatining mas’ul xodimlari hamda jamoatchilik vakillari ishtirok etdi.
Jamoatchilik eshituvlarida nutq so‘zlagan“Rosatom” davlat korporatsiyasi vakili loyihaning o‘ziga xos xususiyatlari haqida gapirib berdi.
‘Rosatom’ tomonidan O‘zbekistonga taklif qilingan VVER-1200 reaktori o‘rnatish bo‘yicha AES loyihasi nafaqat Rossiya federal normalari, standartlari va atom energiyasidan foydalanish sohasidagi talablarni hisobga olgan holda, balki MAGATE tavsiyalari, Yevropa foydalanuvchilar tashkilotlarining talablari (EUR) hamda Yadro xavfsizligini muvofiqlashtirish bo‘yicha G‘arbiy Yevropa uyushmasi (WENRA) talablari inobatga olingan holda ishlab chiqilgan. Rossiya loyihasining AESdagi faol va passiv xavfsizlik tizimlari kombinatsiyasi radiatsiyaviy materiallarni tashqi muhitga chiqarish ehtimolini butunlay bartaraf etishga, obyektning har qanday favqulodda holatlarda ham barqarorligini ta’minlashga imkon beradi.
Bu dunyodagi eng mukammal va eng xavfsiz loyihadir. Bular Rossiyada, Novovoronejda muvaffaqiyatli sinovdan o‘tgan texnologiyalardir va biz bu tajribani hozirda O‘zbekistonga ishonch bilan taklif qila olamiz”, - deya ta’kidladi “ASE” AJ (Goskorporatsii “Rosatom” davlat korporatsiyasi injiniring divizioni) texnik masalalar bo‘yicha birlashgan loyiha instituti vitse-prezidenti, direktorning birinchi o‘rinbosari Andrey Kuchumov.
Izoh (0)