Qashqadaryo viloyatining Chiroqchi tumanida yashovchi 25 yoshli Sh.Q. Nexia mashinasini “Yettitom—Qarshi” yo‘lida haydab ketayotib, qarama-qarshi yo‘nalishdan harakatlanib kelayotgan “Annaro‘z” qishlog‘ida yashovchi 34 yoshli Sh.L. boshqaruvidagi Nexia’ga to‘qnashib ketgan.
IIV Jamoatchilik va OAV bilan aloqalar boshqarmasi xabariga ko‘ra, voqea 8-iyul kuni soat 14:05 larda sodir bo‘lgan.
Oqibatda Nexia haydovchisi Sh.Q. jarohat olib, voqea joyida, haydovchi Sh.L. boshqaruvidagi Nexia yo‘lovchisi 48 yoshli M.B. esa kasalxonada vafot etgan.
Shuningdek, haydovchi Sh.L. va uning yana bir yo‘lovchisi 25 yoshli O.B. ismli ayol jarohat olib kasalxonaga yotqizilgan. Holat yuzasidan jinoyat ishi qo‘zg‘atilib, tergov harakatlari olib borilmoqda.
Izoh (0)