AQSh prezidenti Donald Tramp tomonidan xiyonatda ayblangan The New York Times gazetasi bunga o‘z munosabatini bildirdi, deb xabar beradi “Kommersant”.
Ushbu ayblov gazetada AQSh Rossiya energotizimiga kiberhujumlarni kuchaytirgani haqida maqola e’lon qilingach bildirilgan edi.
“Matbuotni xiyonatda ayblash xavfli”, — deyiladi gazetaning Twitter’dagi sahifasida. Ta’kidlashicha, gazeta maqolani chop etishdan oldin hukumat vakillariga ko‘rsatgan.
Maqolada Qo‘shma Shtatlar so‘nggi yilda Rossiya energiya tizimiga kiberhujumlar sonini ko‘paytirgani haqida yozilgan. Gazeta ushbu maqolani hukumatning sobiq va hozirgi amaldorlari tomonidan berilgan ma’lumotlarga tayanib yozgan. Maqolada maxsus xizmatlar energotizimning ayrim ehtiyot qismlarini ishdan chiqaradigan va ma’lumotlarni yig‘adigan dastur yaratgani haqida gap boradi.
Izoh (0)