Isroil rasmiylari yangi shaharni Donald Tramp sharafiga nomlashga qaror qildi. “Liga Novosti”ning yozishicha, bu haqda mamlakat bosh vaziri Binyamin Netanyaxu ma’lum qilgan va shu bilan AQSh prezidentiga “o‘z minnatdorchiligini bildirmoqchiligini” aytgan.
Shahar Trump Heights (Tramp tepaligi) deb nomlanib, Golan tepaligida joylashadi. Donald Tramp o‘zining Twitter’ida bunday “katta sharaf” uchun Isroil va Netanyaxuga minnatdorchilik bildirgan.
Tramp 25-martda AQSh Isroilning Golan tepaligini Isroil hududi deb tan olgani aytilgan farmon imzolagan. Bir qator mamlakatlar bu qarorni tan olmasligini ma’lum qilgan. Xususan, Yevropa Ittifoqi “Yevroittifoqning nuqtai nazari o‘zgarmadi. Yevroittifoq Isroilning 1967-yilda bosib olgan hududlar, jumladan, Golan tepaligi ustidan suverenitetini tan olmaydi va uni Isroilning bir qismi sifatida ko‘rmaydi”, degan. Saudiya Arabistoni va Kanada ham Golan tepaligi ustidan Isroil nazoratini tan olmagan.
Izoh (0)