Andijon viloyati Yoshlar markazida “Harbiy kitobxon” tanlovining viloyat bosqichi bo‘lib o‘tdi. Unda jami 13 nafar xizmat burchini o‘tayotgan harbiy xizmatchilar o‘zaro bellashdi. Bu haqda Mudofaa vazirligi matbuot xizmati “Daryo”ga ma’lum qildi.
Tanlov ikki bosqichda — “O‘zbek adabiyoti bilimdoni” hamda “Jahon adbiyoti bilimdoni” shartlari asosida o‘tkazildi.
Yakuniy natijalarga ko‘ra, Andijon shahridagi harbiy qismlardan birida muddatli harbiy xizmatni o‘tayotgan oddiy askar Ravshanbek Shermonov faxrli 1-o‘ringa loyiq deb topildi.
Buloqboshi tumanidagi harbiy qismlardan birida shartnoma asosida xizmat qilayotgan serjant Ma’murbek Xolov 2-o‘rinni qo‘lga kiritgan bo‘lsa, Marhamat tumanidagi chegara postida muddatli harbiy xizmatni o‘tayotgan oddiy askar Asrorbek Toyloqov 3-o‘rinni egalladi.
G‘olib va sovrindorlar Sharqiy harbiy okrugi hamda Andijon viloyat hokimligining diplom va qimmatbaho sovg‘alari bilan taqdirlandi.
Izoh (0)