Андижон вилояти Ёшлар марказида «Ҳарбий китобхон» танловининг вилоят босқичи бўлиб ўтди. Унда жами 13 нафар хизмат бурчини ўтаётган ҳарбий хизматчилар ўзаро беллашди. Бу ҳақда Мудофаа вазирлиги матбуот хизмати «Дарё»га маълум қилди.
Танлов икки босқичда — «Ўзбек адабиёти билимдони» ҳамда «Жаҳон адбиёти билимдони» шартлари асосида ўтказилди.
Якуний натижаларга кўра, Андижон шаҳридаги ҳарбий қисмлардан бирида муддатли ҳарбий хизматни ўтаётган оддий аскар Равшанбек Шермонов фахрли 1-ўринга лойиқ деб топилди.
Булоқбоши туманидаги ҳарбий қисмлардан бирида шартнома асосида хизмат қилаётган сержант Маъмурбек Холов 2-ўринни қўлга киритган бўлса, Марҳамат туманидаги чегара постида муддатли ҳарбий хизматни ўтаётган оддий аскар Асрорбек Тойлоқов 3-ўринни эгаллади.
Ғолиб ва совриндорлар Шарқий ҳарбий округи ҳамда Андижон вилоят ҳокимлигининг диплом ва қимматбаҳо совғалари билан тақдирланди.
Изоҳ (0)