Sankt-Peterburg vitse-gubernatori Vladimir Kirillov shahardagi Axborot texnologiyalari, mexanika va optika universiteti binosining qulab tushishiga qurilish materiallarining noto‘g‘ri saqlanishi va konstruksiyaning keragidan ortiqcha yuk ostida qolib ketishi sababchi bo‘lganini aytdi. Bu haqda “Gazeta.ru” xabar bermoqda.
Uning so‘zlariga ko‘ra, pudrat ishlari bilan kim shug‘ullangani ma’lum.
“Ko‘zda tutilmagan qurilish materiallarining saqlanishi va konstruksiyaning haddan ortiq yuk ostida qolishi. Pudrat ishlari bilan kim shug‘ullangani ma’lum. Qolgani tekshiruvdan keyin aniq bo‘ladi”, — dedi Kirillov.
Peterburgdagi universitet binosining 150 kv. metr maydoni 16-fevral kuni qulab tushgan edi. Hodisa oqibatida halok bo‘lganlar va jabrlanganlar yo‘q.
Izoh (0)