Chikago (Illinoys) aholi soni bo‘yicha Qo‘shma Shtatlardagi ikkinchi shahar, ammo mana bir necha yildirki u mamlakatning eng korrupsiyalashgan shaharlari ro‘yxatida yetakchilik qiladi, deya xabar beradi “ForumDaily”.
Chikago shahridagi Illinoys universitetida 11-fevralda chop etilgan “Chikago va Illinoys shtatidagi korrupsiya” nomli hisobotda, AQShning so‘nggi yillarda korrupsiyaga qarshi federal ayblovlari darajasi kamayganiga qaramay, Chikago bunday qatorlar ro‘yxatiga boshchilik qilishda davom etmoqda.
Bundan tashqari, Illinoys boshqa yirik shtatlar va Kolumbiya okrugiga nisbatan aholi jon boshiga uchinchi eng korrupsion davlat bo‘lib qolmoqda.
Guruh Adliya vazirligining so‘nggi ma’lumotlaridan foydalangan, bu 2017-yil davomida Illinoys shimoliy hududida, Chikago shahrini va shimoliy qismini o‘z ichiga olgan korrupsiyaga oid jami 25 ta hukm chiqarilganligini ko‘rsatadi.
Bu raqam 2016-yilda 30 ta hukmdan iborat bo‘lgan, so‘nggi 10 yil mobaynida ushbu mintaqada yiliga o‘rtacha 33,6 korrupsion ayblovlar qayd etilgan.
2017-yilda Illinoys shtatida jami 34 ta korrupsiya ayblovlari aniqlangan.
1976-yildan buyon Adliya boshqarmasi korrupsiya bo‘yicha davlat statistikasini kuzatishni boshlagach, Chikago hududida 1731 kishi sudlangan.
Xuddi shu davr mobaynida Los-Anjelesda —1534 kishi, Nyu-Yorkda — 1327, Mayamida — 1152, Vashingtonda esa 1129 kishi hukm qilingan.
Izoh (0)