O‘zbekistonlik Sayfullo Saipov tomonidan Nyu-Yorkda amalga oshirilgan terakt bo‘yicha prokurorlar gumonlanuvchiga o‘lim jazosi berilishini talab qilishi mumkin. Bu haqda “Nuz.uz” xabar bermoqda.
Bu ishni ko‘rib chiqayotgan Nyu-Yorkning Janubiy okrugi sudyasi Vernon Broderik Saipov advokatlarining prezident Trampning tvitlari ishga siyosiy tus bergani haqidagi da’vosini rad etdi.
“Nyu-York terrorchisi S. Saipov kasalxonadagi palatasida IShID bayrog‘ini ilib qo‘yishlarini so‘raganida baxtiyor edi. 8 kishini o‘ldirgan, 12 kishini og‘ir jarohatlangan bu shaxs o‘lim jazosiga hukm qilinishi kerak!” deb yozgandi Tramp teraktning ertasi kuni.
Himoya sudyadan yo o‘lim hukmini istisno qilish yoki mustaqil prokuror tayinlashni so‘ragandi.
Ma’lumot uchun, 31 yoshli Sayfullo Saipov 2017-yil oktabrida Jahon savdo markazi yaqinida ro‘y bergan mazkur teraktda o‘zini aybdor sifatida tan olmagan.
Izoh (0)