MIBning 1 nafar inspektoriga “O‘zbekenergo”, “O‘ztransgaz” va suv ta’minoti korxonalarini o‘rtacha 6 nafar nazoratchisining ish hajmi to‘g‘ri kelmoqda. Bu haqda prokuratura organlari xodimlari bayrami munosabati bilan Majburiy ijro byurosi tomonidan tashkil etilgan tadbirda ma’lum qilindi, deya xabar beradi O‘zA.
Tadbirda so‘z olganlar Byuro organlari o‘z oldiga energiya resurslaridan oqilona va tejamkorlik bilan foydalanish, talon-torojliklarning oldini olish, sud va boshqa organ qarorlarining ijrosini ta’minlash bilan fuqarolarning qonuniy manfaatlarini himoya qilish kabi oliy maqsad qo‘yganini ta’kidladi.
Tadbir davomida Bosh prokuror buyrug‘iga asosan navbatdagi, shuningdek dastlabki darajali unvon olgan va Byuro direktorining buyrug‘i bilan o‘z vazifasini samarali bajarayotgan bir qator xodimlar rag‘batlantirildi.
Ma’lumot uchun, O‘zbekistonda Majburiy ijro byurosi tashkil topgandan buyon jami 39,6 trillion so‘m undirilib, o‘tgan yillarning mos davriga nisbatan 22,3 trillion so‘m yoki 129 foiz ko‘p undiruv amalga oshirildi.
Izoh (0)