МИБнинг 1 нафар инспекторига «Ўзбекэнерго», «Ўзтрансгаз» ва сув таъминоти корхоналарини ўртача 6 нафар назоратчисининг иш ҳажми тўғри келмоқда. Бу ҳақда прокуратура органлари ходимлари байрами муносабати билан Мажбурий ижро бюроси томонидан ташкил этилган тадбирда маълум қилинди, дея хабар беради ЎзА.
Тадбирда сўз олганлар Бюро органлари ўз олдига энергия ресурсларидан оқилона ва тежамкорлик билан фойдаланиш, талон-торожликларнинг олдини олиш, суд ва бошқа орган қарорларининг ижросини таъминлаш билан фуқароларнинг қонуний манфаатларини ҳимоя қилиш каби олий мақсад қўйганини таъкидлади.
Тадбир давомида Бош прокурор буйруғига асосан навбатдаги, шунингдек дастлабки даражали унвон олган ва Бюро директорининг буйруғи билан ўз вазифасини самарали бажараётган бир қатор ходимлар рағбатлантирилди.
Маълумот учун, Ўзбекистонда Мажбурий ижро бюроси ташкил топгандан буён жами 39,6 триллион сўм ундирилиб, ўтган йилларнинг мос даврига нисбатан 22,3 триллион сўм ёки 129 фоиз кўп ундирув амалга оширилди.
Изоҳ (0)